友和 YOHO
0

【友·實測】極高性價比 Earin全新真無線藍牙耳機M-2

推廣優惠 / 更新日期 24-10-2018


【友·實測】極高性價比 Earin全新真無線藍牙耳機M-2

唔講唔知,原來EARIN對上一隻推出真無線藍芽耳機M-2 ,到底兩年嘅時間可以令到呢一隻新耳機有幾大進步?性價比又係點?即刻就同大家嚟個現場實測!

 
唔講唔知,原來EARIN 對上一隻推出嘅真無線藍牙耳機M-1 已經要數到2016 年!事隔近兩年先出呢隻M-2,到底兩年嘅時間可以令到呢一隻新耳機有幾大進步?性價比又係點?即刻就同大家嚟個現場實測!


真 · 零間斷

藍牙耳機第一個最令用家關注嘅問題一定係連接性,成日斷線嘅話真係用返有線耳機好過。呢一隻M-2 唔是講笑,真係暫時小編試咗咁多藍牙耳機以嚟真正做到唔斷線嘅一隻。實際使用,由尖沙咀坐地鐵到觀塘,一次斷線都無;再喺APM 商場大電視附近遊走十分鐘,依然係無事。睇返規格,令小編仲驚訝嘅係藍牙只係4.0,但比起最新嘅藍牙5.0 耳機真係優秀好多!



全球最輕 長達14小時續航力

兩年時間除咗令到藍牙技術有所進步之餘,就係機身設計啦!M-2 耳機大小只有一節手指咁大,而且現場睇佢「上磅」同其他True Wireless 耳機比較,佢真係輕到只得3g,帶咗上耳真係無咩感覺!而且仲唔使分左右,一拎上手就戴得,呢個設計真係勁過市面上嘅其他同類產品好多。耳機本身已經有4個鐘嘅電量,加埋個充電盒快差,最多可以有14個鐘嘅續航力,絕對夠使!



音色具包圍感 高音部份略欠推力

M-2 用嘅係NFMI 嘅近磁感應技術,一邊連接之後播放音樂就得。M-2 呢個技術優秀在於佢無任何延遲。今次用咗MOOV 去實測,聽下林二汶嘅「銀髮白」同《The Greatest Showman》嘅主題曲。耳機嘅音色輸出,特別係中或音方面,好有包圍感,唔使開到好大聲,已經有被環抱嘅感覺。而且唔係靠澎湃嘅低音去造成,即使係聽「銀髮白」呢種清新音樂,一樣係有種「無縫感」。男聲嘅表現亦因為呢個特點而更優秀,Hugh Jackman 嘅低音更加厚實。

呢隻耳機另一個音色標榜之處就係佢高音嘅圓潤程度。呢一點筆者都同意,的確去到「銀髮白」Chorus 部份,岑寧兒高音無刺耳感覺。但小編就覺得預期話係修飾咗,其實聽落係直頭將高音部份格硬拉返低,因為好明顯高音推力比中低音要弱。所以都可以話係呢隻耳機嘅一個遜色位。


[產品] 0110-0331 Iris Ohyama FAC4
Mar 換購優惠 衝擊你抵線

© 2024 友和 YOHO,保留所有權利