SLDCP5
Featured

【友.嘢講】上機必備懶人包!

2018-10-23
去旅行識揀一定係揀凌晨機出發,上機訓返覺好,落機即刻就有得玩仲賺多一日!但每次諗起要坐起碼個幾兩個鐘嘅飛機,仲有機遇上嘈喧巴閉嘅乘客,搞到你無得訓之餘又無精神都幾慘!唔想咁就要留意以下三樣法寶,帶齊上機減低出事率!


去旅行識揀一定係揀凌晨機出發,上機訓返覺好,落機即刻就有得玩仲賺多一日!但每次諗起要坐起碼個幾兩個鐘嘅飛機,分分鐘遇上啲嘈喧巴閉嘅乘客,搞到你無得訓之餘又無精神都幾慘!唔想咁就要留意以下三樣法寶,帶齊上機減底出事率!
 

點訓都得 --- Cabeau Evolution Pillow

 

上飛機識訓一定係帶個頸枕!一嚟護住條頸等佢有承托;二嚟訓都訓得好啲。但坊間好多頸枕一係就吹氣易漏氣;再唔係就太「淋」,無承托力!用咗衰過無用。今次小編介入呢隻Cabeau Evolution Pillow 就唔同,佢用嘅係記憶海綿:即係用得多就會更加Fit 你頸形,訓得舒服之餘仲無咁易扭親。而且呢個頸枕有兩層,同一般得一層嘅唔同。高出嚟個層可以用來承托返頭部向前或者向後傾嘅睡姿;加埋前面一個調較鬆緊度嘅索帶,叩實之後頸枕可以360度轉動,就到最啱你嘅睡姿!順帶一提,Cabeau 呢個品牌曾經入選美國傳媒《US TODAY》嘅十大「最棒旅行良伴的頸枕」之一,真係唔講得笑呀!
 

十分鐘KO 眼腫 --- Lourdes 溫熱眼罩

訓得唔好有咩問題?唔夠精神?脾氣差?對女性嚟講莫過於係個眼腫腫嘅問題!最好嘅解決方法就係阻止佢發生!Lourdes 呢個眼罩並唔係一般遮光用咁簡單,最正嘅係佢識發熱!上機個時帶住佢入睡,啲熱力係眼四周擴散,消除眼睛疲勞時仲可以保濕,完全將眼腫問題喺發生前就搞掂咗!而且唔覺意訓著咗都無問題,佢有十分鐘自動熄機功能,唔怕危險或者曬電。最方便嘅係,Lourdes 呢個溫熱眼罩用USB 充電,即係話大家可以用到外置電源去為眼罩充電!而且今年仲出咗個碎花款式,啱曬貪靚嘅女仔用!



 

廷續個人化音樂享受 --- 私伙耳機 以及DUODIO 航空音頻轉接頭

 
上到飛機,大家有機會用飛機椅背嘅屏幕去打機聽歌或者睇戲。視覺上就好滿足到啦,但音響上就焗住要用飛機上面嘅耳機?錯曬啦,識用一定係用私家耳機!咩話,你話插頭唔啱?買返個轉插咪得。DUODIO 呢個飛機上專用嘅轉插最方便係大家可以將用開嘅3.5mm 插頭耳機直接駁入轉插度,再一拼駁返入訊號源就得!從此喺飛機上面一樣可以有你嘅私人影音享受!

All Related Products