Samsung A70
Featured

女生旅行必備-一個化妝袋就出得發

2018-10-23
女生去旅行,最重要嘅未必係帶咩衫,而可能係護膚品。始終唔好好保護肌膚,化再厚妝都遮唔到倦容。今日小編就嚟檢閱下女同事們嘅旅行袋有咩係護膚必帶!



女生旅行必備 --- 一個化妝袋就出得發
 
女生去旅行,最重要嘅未必係帶咩衫,而可能係護膚用品。始終唔好好保護肌膚,化再厚嘅妝都遮唔到倦容。所以話,一個可以一拎又細嘅化妝袋對出門旅行嘅女生嚟講係幾咁重要呢!今日小編就嚟檢閱下女同事們嘅旅行袋仔有咩係護膚必帶!
 

Beauty Bar 黃金面膜 + 電動按摩美人棒

 
小編問咗女同事,一睇已經有3幾塊面膜,係Beauty Bar 呢個牌子。問佢點解唔係用好興個啲咩蝸牛面膜。女同事好快咁話,呢個Beauty Bar 面膜用親都係珍貴成份,好似黃金啊,膠原蛋白啊同埋透明質酸等等。估唔到呢位女同事平時除咗食好西著靚衫之外,用嘅面膜都矜貴過人。佢仲話,唔係淨係成份正,仲有係堅保濕同抗衰老!諗諗下又係真,知道佢真實年紀之後就會明點解佢咁中意呢款黃金面膜……
 
之後再係個袋入面搵到支「T」字型嘅物體出嚟。女同事一手搶過嚟話,呢支電動按摩棒唔係咁易畀人掂!心諗,有咩咁特別?原來呢支嘢係用來V面去水腫,佢話朝早唔食早餐都唔緊要,最緊要係靚住出門。我話,食早餐都係十零分鐘姐,佢即刻講:十零分鐘夠我用啦!夜晚仲可以順便導入埋個保濕面膜。十分鐘……原來對女人嚟講可以做咁多嘢。
 

Emay Plus 能量噴面器

 
醒起早幾個星期天氣咁Dry,跟手順便抽佢一句水:X姐,近排好Dry 喎,點算呀你~點知佢一句還撃:夠你Dry,Single Dog!我當堂畀佢KO……正當我想走之際,佢突然拎咗之嘢出嚟噴我?!仲以為係防狼個啲,點知原來係水。佢話,天氣乾到咁,返到公司都要保下濕。成日入廁所洗面又太明顯,化咗妝又唔方便。佢得閒就裝定啲水落呢支噴面器度,得閒噴幾噴就Keep 到唔Dry。我就問,咁你唔攞淋花個啲噴?佢話我識條鐵!呢支嘢係用納米技術,噴完啲水分入曬皮膚入面,呢啲先係真.保濕啊!
 

Panasonic ES-WF40 電動修眉剃毛器

 
再搵下佢個袋,點解搵到支剃刀嘅?!唔通佢諗住爭取加人工fail 的話就…… ?!睇真啲原來係一支修毛用嘅~但明明女士無男生咁多毛,特別係面上個啲,點解都要修?佢話,好似啲唇毛呀,面毛呀,眉毛呀個啲,如果生太多雜毛係好影響外觀,同埋難上妝架。估唔到連條毛咁幼細嘅嘢佢都會注重,果然女士就是細心。

Foreo Get & Glow 禮盒套裝

搵到最後我見到一個會有好多好密集毛毛嘅嘢,而且一按仲識震…… 我費事諗多或者諗錯,即刻走去問佢。佢話呢個原來係一個聲波洗面機!佢見我個樣好不屑咁就一句口話埋嚟:枉你仲係做Gadget,聲波技術你識條鐵咩?呢個洗面機每分鐘有成8000 次聲波脈動,仲係深層透膚架!用埋個套裝入面個兩支日夜用嘅潔面乳,洗走皮膚更入面嘅污糟嘢,真.深層潔面呀。你一日都講唔到8000 句粗口啦~ 聽完之後我,我嗯咗一聲,心諗:係,我一日真係講唔到8000 句粗口。
 
 

All Related Products